2013年1月16日星期三

《古惑 仔3G》App game●手機爭地盤


全港最大型線上劈友大戰!

  手機遊戲《古惑仔3G》並非智能手機先玩得,平板電腦都一樣玩得!早前遊戲已推出Android版本,只要你部電話系統係Android 2.0.1 或以上就玩得。而iPhone、iPad的iOS版本今日正式推出,仲會推出iPhone專屬伺服器。再加上日後還會支援電腦網頁Web版,真係可以隨時 隨地街頭血戰街頭!

港鐵沿線收o靚 行走江湖揚威嚮朵

  遊戲中只需要消耗10點氣力,就可以「收o靚」一次,當然一開始梗係唔會有勁人跟你啦,你慢慢擴充人手,實力提升後,連陳浩南、山雞、太子、 大梵等等江湖猛人都會跟你行古惑。增加實力後,就可以去行走江湖揚威嚮朵。玩家可以在港鐵沿線尋找目標來打,戰鬥完畢後你可以玩小遊戲「21點」 決定是次戰鬥可以擸到幾多戰利品走。如果咁好彩抽到21點,仲會有兄弟主動跟你搵食。


組織最強戰團 搶地盤 鬥晒馬

  如果社團夠人強馬壯,兄弟夠多就係時間出手「搶地盤」!唔好以為地盤好易打,如果對手有料,分分鐘有成20幾人睇住個地盤,唔帶多D藥水 去,好易俾人收皮。除左搶地盤、掃下場練功之外,仲可以去搵人「劈友」賺下黑錢同加江湖威聲。遊戲有一個「劈友系統」,玩家可以搵到實力差不多既 對手,不會太強或太弱,助你隨時隨地、無時無刻都可以搵人開片!


新Server、新地盤、新功能拍住上

  另外同步開放全新iPhone專屬伺服器「東方之珠」,而「動感之都」及「東方之珠」版本將會一齊更加86個全新地盤,俾各位話事人 繼續插旗。仲有全新「情報系統」,可以俾各位挑戰者收集目標地盤守衛資料,睇清楚夠唔夠打先去掃佢場,以免浪費體力。

《古惑仔3G》
遊戲類型:經營社團動作遊戲
支援平台:Android 2.0.1 或以上 /  IOS 4.3 或以上
官方網站:http://tb3g.gameone.com
facebook專頁:http://www.facebook.com/TeddyBoy3G

沒有留言:

發佈留言