我一早說過很多次Underground地底樂團其實是沒甚人認識的樂隊，所以當我在虛擬的網絡世界，以「Underground/地底樂團女主音」的名義結識其他Band友，沒有人知道是一件很正常的事。
然而，當我「讚好」或以文字溝通了一段時間後，轉入直路說有關合作的正題時，他們大多的回覆是：
「冇時間」（最行貨又最直接）、「冇興趣」、「夾緊幾隊Band」、「有幾多酬勞」…等等例牌公式回答，甚或不回覆，不了了之，無聲勝有聲。
最經典的有以下幾位：
曾經有位比較資深的結他手表示，「講真我未聽過有隊嘢叫Underground，仲要有個咁柒嘅中文名叫『地底樂團』，同埋我唔知你隊嘢夾咗十幾年唔知做乜咯！」
對！有疑問可以提出，我會樂意回答的，但請注意用詞，什麼叫「隊嘢」？而且閣下組過的幾支樂隊，並不見得知名度高或技術出眾，連自己樂隊的CD也未出過、Live表演又少之又少，憑什麼以「隊嘢」來稱呼人家的Underground地底樂團呢？請問！
另外有位自稱彈Bass的小朋友說：「我唔想幫你宣傳你樂隊。」
我愕然，但不想多作註解，因為我知道對方根本不明白，莫非我再三表明「找有興趣又喜歡同類型音樂的人組樂隊，一起創作原創音樂，並非什麼幫別人宣傳樂隊」嗎？
整件事情完全扭曲了！
懶得解釋，我唯有這樣講：「哦！唔該晒，拜拜！」
還有一次，有個並沒在我邀請的名單出現，而腦袋應該有問題，並自稱是音樂人的傢伙主動聯絡我，說：「其實我依家得閒冇嘢做，你俾到幾多錢出嚟？不過講明先，你俾幾多搵我打鼓，我就俾返幾多嘢你。」
在盡量控制情緒之下，我收起一些比較有力的粗言穢語，直接而淡然地回應：「白痴！依家講緊夾Band，你估請你去紅館開Show呀？」
沒有留言:
發佈留言