離開醫院，One坐上了1A巴士，由觀塘途經牛頭角下村時候，忽然一個熟悉的身影，透過車窗的倒影映入眼簾。
是Key嗎？
這是One第一個反應，這陣子不知為何，好像特別容易想起這個前隊友。
One馬上按鐘，在下一個巴士站下車。
但當One行近看見倒影的範圍內，竟湧起了一絲失落。
是前樂隊主音Gas。
他一身街坊裝束，站在小販檔賣串燒。
One行到Gas的檔口：「好耐冇見！」
Gas面露驚喜神色，頓一頓：「One！」
One微笑一下：「一串牛、一串豬，幫我包起佢。」
Gas一面燒烤、一面問：「最近點呀？仲有冇夾Band？」
One：「我同Boy重組返Underground，仲諗住遲啲將Mad嘅Demo重新編曲出隻大碟。」
Gas表情一呆，停一停手，再遞上已包好的串燒，「好呀！到時我一定買番幾隻。但會唔會有自己創作嘅歌呀？」
One當然明白Gas話中含意，只是對這個甚少來往、偶爾遇到，而又談不上朋友的前Underground第一代成員，的確不想亦不會說謊，唯有選擇性的說：「會呀！會有自己作嘅廣東歌！」
沒有留言:
發佈留言